شوية نكت ليضحك القلب الحزين

[ايمان البورسعيدية]

مسطول راح المحكمة القاضى بيسأله انت متجوز مين؟قاله:واحدة ست,القاضى قاله
انت هتهرج؟ امال فى حد بيتجوز راجل , قاله :اه اختى

مسطول بيقول لصاحبه: يا اخى امبارح دخلت فيلم هندى هايل بتاع راجل وست ماشيين فى الشارع لقوا طفلة فى اللفة خدوها ربوها لغاية لما كبرت وفى الاخر طلعت امهم

مسطول ماشى فى الشارع فقابل واحد قاله: ازيك يا محمد انت اتغيرت اوى يا محمد عنيك ووشك وكل شكلك اتغير اوى يا محمد , رد عليه وقاله لكن انا مش محمد ... فقاله وكمان غيرت اسمك يا محمد

واحد باشا دار عليه الزمن وافتقر حب يشتغل اشتغل بياع فجل وجرجير , طول
النهار واقف فى السوق ولابس الطربوش وبينادى فجل ياحوش جرجير يا كلاب

صعيدى فى الجيش بيقول لعسكرى زميله فى الحرب :انت من دشنا؟ قال له لا .. راح ضربه بالنار وقال له تبقى من ديش العدو

واحد اسكندرانى لقى بنته راجعه البيت الساعة تلاته الصبح قالها كنت فين يا بت قالتله كنت بنتمشوا مع واحد صاحبى يابابا .. قالها خشى نامى احنا نحبوا الصراحة..

رئيس دولة صغيرة راح زيارة للصين, رئيس الصين بيقوله احنا عددنا 900 مليون نسمه , عدد دولتكم كام. قاله: 30 الف , قاله طب مجبتهمش معاك ليه يا راجل ؟

سألوا واحد بخيل جداجداجدا : تعمل ايه لو الدنيا برد. قال: اروح للدفاية ... قالوا: ولو الدنيا بردت اكتر؟ قال اقرب من الدفاية.. قالوا : ولو بردت اكتر؟ قال: الزق فى الدفاية .. فالوا : واو نزل تلج. قال :اشغل الدفاية بقى وامرى لله


مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام


كان فيه خمسة بلدياتنا سموا نفسهم الشجعان التلاتة

واحد بلدياتنا اشتري كمبيوتر... شال الموس وحط جاموسة

بلدياتنا أول مرة يشوف واحد فلبيني قال يا بخته ده شبعان نوم

مرة واحد صعيدي قاعد كانت دماغه وجعاه من الشمس فحاطط ايده على دماغه راح واحد تاني صعيدي معدى من جنبه قاله: مالك يابوي رد عليه وقاله: تعبان من الشمس التاني قاله: حمدان من سوهاج .

واحد مسطول راكب طيارة. خبط علي كتف المضيفة و سألها الحمام فين؟ قالتله الناحية التانية.راح عالكتف التاني و سألها الحمام فين ؟!!!! .

واحد بلدياتنا راح يزور واحد يابانى صاحبه فى مستشفى فى اليابان اليابنى كان نايم وبيتنفس بجهاز التنفس الصناعى فبلدياتنا بيقول لليابانى شد حيلك امال واليابانى يرد ( يوكى شنج ) وبلدياتنايقول ( يوكى شنج ) دى فى عنيا بس شد حيلك انت اليابانى ( يوكى شنج ) وبعدين مات وفى الجنازه بتاعته بلدياتنا كان بيقول لواحد صاحبه الله يرحمه كان بيوصينى على بنته ( يوكى شنج ) قبل ما يموت رد صاحبه ( يوكى شنج ) دى مش بنته ده كان بيقولك قوم من على خرطوم الاكسجين


مرة واحد بلدياتنا قطع تذكرتين فى الأوتوبيس ، سأله اللى جنبه ليه قطعت تذكرتين ، قال له عشان لو تذكرة ضاعت يبقى معايا واحدة تانية ، قال له طب لو التانية ضاعت تعمل إيه قال له طب ما أنا معايا أبونيه

ليه بلدياتنا مبيكلش الكباب؟
عشان السيخ بيقف ف زوره

مرة عشر أغبياء ماشين ورا بعض ..وقعوا فى حفرة واحده


واحد كهربائى اتجوز أربعة...جابلهم مشترك

(رجال الامن)

:

متقولش إديتنا إيه مصر ,, قول هنِرْعِب مين في مصر



(رجال الاعمال)

:

متقولش إديتنا إيه مصر ،، قول هنسرق إيه من مصر


(رجال السياسة)

:

متقولش إديتنا إيه مصر ،، قول هنسكِّت مين في مصر

(شباب مصر)

:

متقولش إديتنا إيه مصر ،، قول هنروح فين في مصر00

[اللهم ارزقنى حسن الخاتمه]

اضحك الله سنك
بس بتاعه الاسكندرانى ديه
انتوا وخدين فكره غلط عنا
الاسكندريه فيها ملتزمين كتير

[ايمان البورسعيدية]

جزاك الله خيرا اختى شيماء وانا والله بحب اسكندرية جدا واهى نكتة وخلا صيا شيمو متدققيش

[العصفورة]

صعيدى فى الجيش بيقول لعسكرى زميله فى الحرب :انت من دشنا؟ قال له لا .. راح ضربه بالنار وقال له تبقى من ديش العدو

كان فيه خمسة بلدياتنا سموا نفسهم الشجعان التلاتة


دول تحفه قوووووووووووووووووي

بس عاوزه اقولك حاجه

النكت مش حرام

لكن التحديد هو اللي حرام يعني متقولي واحد بلدياتنا لان دي اهانه للصعايده وده بقي حرام ممكن تقولي واحد غبي مثلا

وبلاش تقولي اسكندراني وكده لا خلي الموضوع عام

ودي فتوي انا سمعاها مش من عندي

خلي بالك يا ايمان ومشكورة

واضحك الله سنك

[ايمان البورسعيدية]

جزاك الله خيرا يا عصفورة وشكرا على النصيحة ان شاء الله اعمل بيها

[منى احمد]

السلام عليكم ورحمة الله وبركاته

جزاكم الله خيرا

[الاخلاص]

أضحك الله سنك أختي إيمان

[ايمان البورسعيدية]

المشاركة الأصلية كتبت بواسطة الاخلاص

أضحك الله سنك أختي إيمان

جزاك الله خيرا اختى الاخلاص واختى منى أحمد